كل الحب ليكي
سنين بأعشق وأحب
سنين بأغني للحب
بالقرب أفرح وأطير
في الهجربكيت كتير
كنت فاكر إني أسير
أسير أنا في الحب
فجأه خرجتي مني
أتاريكي جوايا
لقيتك قدامي بتبكي
حسيت بأسايا
أتاري حب زمان
حب كأنه ماكان
ماشافتشي غيرك عيوني
أتاريكي نايمه في جفوني
لقيت قلبي بيتألم
وأهاتي تصرخ تتكلم
وروحي أتاريهافيكي
سنين ناسيهاوناسيكي
وإنتي في قلبي أتاريكي
نبض حبي وهوايا
في لحظه نسيت الكون معاكي
وقلت روحي وإبني فداكي
فدا ترابك ونيلك
فدا نهارك وليلك
فدا أرضك وسماكي
كنت فاكر إني فيكي عايش
أتاريكي عايشه جوايا
آسف ماكنتش بيكي حاسس
ياأغلي من دنيايا
يامصر أموت وعيشي
ولحظة هوانك ماتجيشي
ده إنتي حبي الكبير
ده إنتي عشق السنين
قلبي في حبك أسير
ولاحب تاني يساويكي
ده كل الحب ليكي
تحيامصر
تحيامصر
الإثنين ديسمبر 31, 2012 2:20 pm من طرف 
